ಮಕ್ಕಳು ಯಾವ ದಿನ ಯಾವ ತಿಂಗಳು ಜನಿಸಿದ್ರೆ ಅದೃಷ್ಟ; ಯಾವ ದಿನ ಮಕ್ಕಳ ಜನನ ಆಗದಿದ್ರೆ ಒಳ್ಳೆಯದು

ಎಲ್ಲರಿಗೂ ಬಹಳ ಖುಷಿ ನೀಡುವ ಸಮಯ ಅಂದ್ರೆ ಆ ಒಂದು ಮನೆಗೆ ಪುಟ್ಟ ಕಂದನ ಆಗಮನವಾಗುವ ದಿನ. ಹೌದು ಒಂದು ಕುಟುಂಬದಲ್ಲಿ ಮಗುವಿನ ಆಗಮನವಾಗ್ತಿದೆ ಅಂದ್ರೆ ಸಾಕು ಅದು ಸಂತೋಷದ ಹೊನಲು ಹರಿಯುವಂತಹ ಸಮಯ. ಎಲ್ಲರೂ ಈ ಸಮಯಕ್ಕೆ ಬಹಳಷ್ಟು ನಿರೀಕ್ಷೆಯನ್ನ ಇಟ್ಟುಕೊಂಡು ಕಾತುರರಾಗಿ ಕಾಯುತ್ತಿರುತ್ತಾರೆ. ಅದ್ರಲ್ಲೂ ಇತ್ತೀಚಿನ ದಿನಗಳಲ್ಲಿ ಒಳ್ಳೆಯ ದಿನ ನೋಡಿ ಹೆರಿಗೆ ಮಾಡಿಸುವ ಕ್ರಮವೂ ಇದೆ. ಅಶುಭ ಘಳಿಗೆಯಲ್ಲಿ ಮಗು ಹುಟ್ಟಿದರೆ ಕಷ್ಟಗಳು ಬರಬಹುದು ಎನ್ನುವ ಕಾರಣಕ್ಕಾಗಿ ಈ ರೀತಿಯ ನಿರ್ಧಾರ ತೆಗೆದುಕೊಳ್ಳುತ್ತಾರೆ. ಆದರೆ ಹುಟ್ಟು ದೈವೇಚ್ಛೆ. ದೇವರು ನಿರ್ಧರಿಸಿರುವುದನ್ನು ಬದಲಾಯಿಸುವುದು ಒಂದು ರೀತಿಯಲ್ಲಿ ತಪ್ಪು ಎನ್ನಬಹುದು. ಮಗು ಹುಟ್ಟುವ ಸಮಯ ಎಲ್ಲವೂ ಭವಿಷ್ಯದ ಜೀವನದಲ್ಲಿ ಏಳು ಬೀಳುಗಳನ್ನು ಆಧರಿಸಿರುತ್ತದೆ. ಹೀಗಾಗಿ ಮಗುವಿನ ಜನನದ ಸಮಯ, ದಿನವು ಭವಿಷ್ಯದಲ್ಲಿನ ಆಗುಹೋಗುಗಳನ್ನು ನಿರ್ಧರಿಸುತ್ತದೆ. ಇವುಗಳು ಗ್ರಹ ಗೋಚಾರವನ್ನು ಆಧರಿಸಿರುತ್ತದೆ.

ಇನ್ನು ಜ್ಯೋತಿಷ್ಯ ಶಾಸ್ತ್ರದಲ್ಲಿ ವಿವರಿಸಿರುವಂತೆ ಜೀವನದಲ್ಲಿ ಪ್ರತಿಯೊಂದು ಒಳ್ಳೆಯ ಮತ್ತು ಕೆಟ್ಟ ಫಲಿತಾಂಶಗಳು ಒಬ್ಬರ ಜನ್ಮಜಾತಕದಲ್ಲಿರುವ ಗ್ರಹಗಳ ಸ್ಥಾನವನ್ನು ಅವಲಂಬಿಸಿರುತ್ತದೆ. ಗ್ರಹಗಳು ತಮ್ಮ ಸ್ಥಾನ ಮತ್ತು ಇತರ ಗ್ರಹಗಳೊಂದಿಗೆ ಸಂಬಂಧವನ್ನು ಅವಲಂಬಿಸಿ ಉತ್ತಮ ಮತ್ತು ಕೆಟ್ಟ ಫಲಿತಾಂಶಗಳನ್ನು ನೀಡುತ್ತವೆ. ಜೊತೆಗೆ ಹೆರಿಗೆಗೆ ಉತ್ತಮ ದಿನ ಯಾವುದೆಂದು ತಿಳಿದುಕೊಳ್ಳಲು ಜ್ಯೋತಿಷಿಯು ಹೆಚ್ಚಿನ ಗ್ರಹಗಳು ಗರಿಷ್ಠವಾಗಿ ಧನಾತ್ಮಕ ಸ್ಥಿತಿಯಲ್ಲಿದ್ದಾಗ ಜನ್ಮ ಸಮಯವನ್ನು ಆಯ್ಕೆ ಮಾಡಲು ಪ್ರಯತ್ನಿಸುತ್ತಾರೆ. ಆದರೆ ಕೆಲವೊಂದು ಸನ್ನಿವೇಶದಲ್ಲಿ, ಹೆಚ್ಚಿನ ಗ್ರಹಗಳು ಕನಿಷ್ಠ ಒಂದು ತಿಂಗಳವರೆಗೆ ಮತ್ತು ಚಂದ್ರನನ್ನು ಹೊರತುಪಡಿಸಿ ಇನ್ನೂ ಹೆಚ್ಚು ಕಾಲ ಚಿಹ್ನೆಯಲ್ಲಿ ಉಳಿಯುವುದರಿಂದ ಬಹಳ ಕಡಿಮೆ ಆಯ್ಕೆಗಳಿರುತ್ತದೆ. ಆದ್ದರಿಂದ, ಜ್ಯೋತಿಷಿಗಳು ಮಗುವಿನ ಜನನಕ್ಕೆ ಸೂಕ್ತವಾದ ಚಂದ್ರನ ಸ್ಥಾನವನ್ನು ನೋಡಬಹುದು. ಮಗುವಿನ ಜನನಕ್ಕೆ ಶುಭ ಸಮಯ ಯಾವುದು, ಯಾವ ದಿನ ಮಗುವಿನ್ನ ಜನನವಾದರೆ ಅತ್ಯಂತ ಶುಭ ಎನ್ನುವ ಮಾಹಿತಿ ಇಲ್ಲಿದೆ ನೋಡಿ.

ಇದನ್ನೂ ಓದಿ: ಕರೆಂಟ್ ಶಾಕ್ ನಿಂದ 8ತಿಂಗಳ ಮಗು ದಾರುಣ ಸಾವು! ಮೊಬೈಲ್ ಚಾರ್ಜರ್ ಕಚ್ಚಿ ಪ್ರಾಣ ಬಿಡ್ತು ಪುಟ್ಟ ಕಂದ

ಅಮವಾಸ್ಯೆ ತಿಥಿ ಮಗುವಿನ ಜನನಕ್ಕೆ ಸೂಕ್ತನಾ?

ಮೊದಲಿಗೆ ಸ್ನೇಹಿತರೆ ಯಾವ ದಿನ ಮಗು ಜನಿಸದಿದ್ರೆ ಸೂಕ್ತ ಅಥವಾ ಅಂತಹ ದಿನದಲ್ಲಿ ಜನಿಸಿದರೆ ಏನೆಲ್ಲಾ ತೊಂದರೆಗಳು ಆಗಬಹುದು ಅನ್ನೋದನ್ನ ಮೊದಲಿಗೆ ನೋಡೋದಾದ್ರೆ, ಅಮಾವಾಸೆಯ ದಿನದಂದು ಮಗುವಿನ ಜನನ ಅಷ್ಟು ಒಳ್ಳೆಯದಲ್ಲ. ಹೌದು ಮಗು ಅಮವಾಸ್ಯೆಯಂದು ಜನಿಸಿದರೆ ಆ ಮಗುವಿಗೆ ಬುದ್ಧಿಶಕ್ತಿ ಮತ್ತು ಮಾನಸಿಕ ಸಾಮರ್ಥ್ಯಗಳು ಕಡಿಮೆಯಾಗುತ್ತವೆ ಎನ್ನುವುದು ಸಾಮಾನ್ಯ ಕಲ್ಪನೆ. ಅಮವಾಸ್ಯೆಯಂದು ಜನಿಸಿದ ಮಗುವಿಗೆ ಆರೋಗ್ಯ ದುರ್ಬಲವಾಗಿರಬಹುದು ಮತ್ತು ಹೆಚ್ಚಿನ ಸಮಯದವರೆಗೆ ಮಾನಸಿಕವಾಗಿ ತೊಂದರೆಗೊಳಗಾಗಬಹುದು. ಅಮವಾಸ್ಯೆಯಂದು ಜನಿಸಿದ ಮಗು ಜೀವನದ ವಿವಿಧ ಸಂದರ್ಭಗಳಲ್ಲಿ ಸಮಸ್ಯೆ ಎದುರಿಸಬಹುದು. ಕಾರಣ ಅಮವಾಸ್ಯೆಯಂದು, ಸೂರ್ಯ ಮತ್ತು ಚಂದ್ರರು ಒಂದೇ ಮನೆಯಲ್ಲಿ ನಿಕಟ ಡಿಗ್ರಿಗಳಲ್ಲಿ ಉಳಿಯುತ್ತಾರೆ, ಇದು ಸೂರ್ಯನ ಸಾಮೀಪ್ಯದಿಂದಾಗಿ ಚಂದ್ರನು ತನ್ನ ಹೊಳಪನ್ನು ಕಳೆದುಕೊಳ್ಳುತ್ತಾನೆ ಅಂತಲೂ ಹೇಳಲಾಗುತ್ತದೆ.

ಇನ್ನು ಸೂರ್ಯ ನಮ್ಮ ಆತ್ಮ ಮತ್ತು ಚಂದ್ರನು ನಮ್ಮ ಮನಸ್ಸು, ಇದು ನಮ್ಮ ಮನಸ್ಸು ಮತ್ತು ಆತ್ಮದ ಸಂಯೋಗವಾಗಿದೆ, ಇದು ನಮ್ಮನ್ನು ವಾಸ್ತವದಿಂದ ಆಧ್ಯಾತ್ಮಿಕ ಪ್ರಗತಿಯತ್ತ ಕೊಂಡೊಯ್ಯಬಹುದು. ಚಂದ್ರ ಮತ್ತು ಸೂರ್ಯನ ಈ ಸಂಯೋಗವು ಭೌತಿಕ ಮತ್ತು ಬೌದ್ಧಿಕ ಪ್ರಗತಿಗೆ ಕೆಟ್ಟದು ಎಂದು ಪರಿಗಣಿಸಲಾಗಿದೆ. ಇನ್ನು ಜನರು ಸಾಮಾನ್ಯವಾಗಿ ತಮ್ಮ ಮಗುವಿನ ಜನನಕ್ಕಾಗಿ ಅಮವಾಸ್ಯೆಯ ತಿಥಿಯನ್ನು ತಪ್ಪಿಸುತ್ತಾರೆ. ಗ್ರಹಣದ ಸಮಯದಲ್ಲಿ, ಸೂರ್ಯ ಮತ್ತು ಚಂದ್ರರು ರಾಹು ಮತ್ತು ಕೇತುಗಳ ಹಿಡಿತದಲ್ಲಿ ಉಳಿಯುತ್ತಾರೆ, ಈ ಸಮಯ ಕೂಡ ಮಗುವಿನ ಜನನಕ್ಕೆ ಉತ್ತಮವೆಂದು ಪರಿಗಣಿಸಲಾಗುವುದಿಲ್ಲ. ಗ್ರಹಣ ಯೋಗದಿಂದ ಜನಿಸಿದವರು ಅವರ ಜೀವನದುದ್ದಕ್ಕೂ ಮಾನಸಿಕ ಅಡಚಣೆ ಮತ್ತು ಒತ್ತಡವನ್ನು ಎದುರಿಸಬಹುದು. ಸ್ಥಳೀಯರು ಜೀವನದಲ್ಲಿ ಹೋರಾಟಗಳನ್ನು ಎದುರಿಸಬೇಕಾಗುತ್ತದೆ.

ಮಗು ಯಾವ ದಿನ ಜನಿಸಿದರೆ ಅದೃಷ್ಟ

ಹಾಗಿದ್ರೆ ಮಕ್ಕಳು ಯಾವ ದಿನ ಜನಿಸಿದರೆ ಸೂಕ್ತ ಅಂದ್ರೆ ಮೊದಲಿಗೆ ದೀಪಾವಳಿಯಂದು ಮಕ್ಕಳು ಜನಿಸಿದರೆ ಅದೃಷ್ಟ ಅಂತ ನಂಬಲಾಗಿದೆ. ಹೌದು ಅನೇಕ ದಂಪತಿಗಳು ತಮ್ಮ ಮಗುವಿನ ಜನನವನ್ನು ಯೋಜಿಸುತ್ತಾರೆ ಏಕೆಂದರೆ ದೀಪಾವಳಿಯಂದು ಮಗು ಜನಿಸಿದರೆ ಲಕ್ಷ್ಮಿ ದೇವಿಯ ಆಶೀರ್ವಾದವನ್ನು ಪಡೆಯುತ್ತಾರೆ ಎಂಬ ನಂಬಿಕೆ ಇದೆ. ಮಗುವಿನ ಜನನವನ್ನು ಲಕ್ಷ್ಮೀದೇವಿಯು ತಮ್ಮ ಜೀವನಕ್ಕೆ ತರುವ ಸಮೃದ್ಧಿಯ ಯೋಗವೆಂದು ಭಾವಿಸಲಾಗುತ್ತದೆ. ದೀಪಾವಳಿಯ ಅಮವಾಸ್ಯೆಯನ್ನು ಮಗುವಿನ ಜನನಕ್ಕೆ ಮಂಗಳಕರವೆಂದು ಪರಿಗಣಿಸಲಾಗಿದೆ. ಇದರ ಜೊತೆಗೆ ಪೋಷಕರು ತಮ್ಮ ಮಗುವಿನ ಜನನದ ಸಮಯದಲ್ಲಿ ಕೃಷ್ಣ ಮತ್ತು ಶುಕ್ಲ ಪಕ್ಷವನ್ನು ಸಹ ಪರಿಗಣಿಸುತ್ತಾರೆ. ಶುಕ್ಲ ಪಕ್ಷದಲ್ಲಿ ಚಂದ್ರನು ಬಲವನ್ನು ಪಡೆಯುತ್ತಾನೆ ಮತ್ತು ಲಾಭದಾಯಕವೆಂದು ಪರಿಗಣಿಸಲಾಗಿದೆ. ಒಂದು ಲಾಭದಾಯಕ ಚಂದ್ರನು ಕುಂಡಲಿಯಲ್ಲಿ ಹಲವಾರು ರಾಜಯೋಗಗಳನ್ನು ಸೃಷ್ಟಿಸುತ್ತಾನೆ, ಯೋಗ ಮತ್ತು ಅದೃಷ್ಟದೊಂದಿಗೆ ಸ್ಥಳೀಯರನ್ನು ಆಶೀರ್ವದಿಸುತ್ತಾನೆ.

ಮುಖ್ಯವಾಗಿ ಮಹಾಶಿವರಾತ್ರಿಯು ಭಗವಾನ್ ಶಿವನ ಪ್ರಮುಖ ದಿನವಾಗಿದೆ. ಈ ದಿನ ಶಿವನನ್ನು ಮೆಚ್ಚಿಸಲು ಉಪವಾಸಗಳನ್ನು ಮಾಡುತ್ತಾರೆ ಮತ್ತು ಧಾರ್ಮಿಕ ಕಾರ್ಯಗಳನ್ನು ಮಾಡುತ್ತಾರೆ. ಮಹಾಶಿವರಾತ್ರಿಯ ಶುಭದಿನದಂದು ಶಿವ ಮತ್ತು ಪಾರ್ವತಿ ದೇವಿಯು ಪರಸ್ಪರ ವಿವಾಹವಾದರು ಎನ್ನಲಾಗುತ್ತದೆ. ಬಹುಶಃ ಅನೇಕ ದಂಪತಿಗಳು ತಮ್ಮ ಸಂಬಂಧಗಳಿಗೆ ಪವಿತ್ರತೆಯನ್ನು ತರಲು ಈ ದಿನ ಮದುವೆಯಾಗುತ್ತಾರೆ. ಮಹಾ ಶಿವರಾತ್ರಿಯು ಮಂಗಳಕರ ದಿನವಾಗಿದೆ ಮತ್ತು ಈ ದಿನದಂದು ಮಗುವಿನ ಜನನವನ್ನು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಮಹಾಶಿವರಾತ್ರಿಯಂದು ಜನಿಸಿದ ಮಕ್ಕಳು ಪ್ರಶ್ನಾತೀತ ಬುದ್ಧಿವಂತಿಕೆಯಿಂದ ಆಶೀರ್ವದಿಸಲ್ಪಡುತ್ತಾರೆ, ಏಕೆಂದರೆ ದುರ್ಬಲ ಚಂದ್ರನು ಶಿವನ ತಲೆಯ ಮೇಲೆ ಸ್ಥಿತನಾಗಿರುವ ಅರ್ಧಚಂದ್ರನಿಂದ ಪರಿಹಾರವನ್ನು ಪಡೆಯುತ್ತಾನೆ. ಈ ದಿನ ಜನಿಸಿದ ಮಕ್ಕಳು ತಮ್ಮ ಜೀವನದಲ್ಲಿ ಹೆಸರು ಮತ್ತು ಖ್ಯಾತಿಯನ್ನು ಪಡೆಯುತ್ತಾರೆ. ಶಿವರಾತ್ರಿಯಂದು ಜನಿಸಿದವರು ಶಕ್ತಿವಂತ ಮಕ್ಕಳು ಮತ್ತು ತಮ್ಮ ಜೀವನದಲ್ಲಿ ಔನತ್ಯವನ್ನು ಸಾಧಿಸುತ್ತಾರೆ. ಹಾಗಾಗಿ ಈ ದಿನ ಮಗುವಿನ ಜನನವಾದರೆ ಒಳ್ಳೆಯದಾಗುತ್ತದೆ ಅನ್ನೋ ನಂಬಿಕೆಗಳು ಈಗಲೂ ಕೂಡ ಇದೆ.

ಇದನ್ನೂ ಓದಿ: ಗಡಿಯಾರವನ್ನ ಮನೆಯಲ್ಲಿ ಹಾಕುವ ಮೊದಲು ಎಚ್ಚರ; ಈ ದಿಕ್ಕಿಗೆ ಗಡಿಯಾರವನ್ನ ಹಾಕಲೇಬೇಡಿ

ದೈನಂದಿನದ ಹೊಸ ಮಾಹಿತಿಗಳಿಗಾಗಿ ನಮ್ಮ ಟೆಲಿಗ್ರಾಂಗೆ ಜಾಯಿನ್ ಆಗಿ: Click Here To Join Telegram